उद्यमशिलता शिप विकास सम्वन्धि ३ दिने तालिम मंलगवामा सम्पन्न सम्पन्न।

राजिब साह---

सर्लाही,चैत्र १२

   एस.एन.भि.नेपालको आर्थिक सहयोग र ग्रामीण नारी उत्थान संघ हरिपुर सर्लाहीको सहजिकरणमा उद्यमशिलता शिप विकास सम्वन्धि ३ दिने तालिम सम्पन्न भएको छ । 

  संचालित वियोन द फिनिस लाईन – समावेशी तथा दिगो 

ग्रामीण खानेपानि सुविधा कार्यक्रम अन्तर्गत  महिला उद्यमिहरुलाई व्यवसाय उद्यमशिलता शिप विकास सम्वन्धि ३ दिने तालिम मंलगवा स्थित कुशुम पार्टी प्यालेसमा 

चैत्र ९ देखि ११ गते सम्म संचालन भएको तालिममा 

सर्लाहीको  रामनगर, कौडेना, पर्सा र चन्द्रनगर गाउँपालिकाबाट ४/४ जना गरी जम्मा १६ जना सहभागी महिला उद्यमीहरुको सहभागिता थियो । 

तालिमको मुख्य उदेश्य महिला उद्यमीहरुलाई व्यवसायिक सिप विकास गर्न सहयोग पुगेको जानकारी गराएको वि.एफ.एल का कार्यक्रम संयोजक मदन कुमार बर्माले बताउनुभयो   । तालिमको प्राविधिक  सहजिकरण राजेश कुमार रायले गर्नु भएको थियो ।   कार्यक्रम  समापन समाहोरोको अध्यक्ष ग्रामीण नारी 

उत्थान संघ हरिपुरका अध्यक्ष गोमा देवी न्यौपानेको अध्यक्षता तथा उद्योग बाणिज्य संघ सर्लाहीका बरिष्ठ उपाध्यक्ष जितेन्द्र कुसवाह प्रमुख आतिथ्यतामा रहेको कार्यक्रममा  ग्रामीण नारी उत्थान संघ हरिपुरका उपाध्यक्ष विष्णु प्रसाद चालिसे, सचिव सुर्य प्रसाद चालिसे, एस एन भि नेपालको जिल्ला संयोजक  अम्बिका यादव, वि.एफ.एल का टिम लिडर राजन कुमार कर्ण लगायतको सहभागिता रहेको थियो ।  तालिम  कार्यक्रममा 

प्रमुाख अतिथि जितेन्द्र कुसवाहले महिला उद्यामीहरुलाई कुनै पनि अवस्था तथा समयमा उद्योग बाणिज्य सघंले सहयोग गर्ने तयार रहेको प्रतिवद्धता गरेको गर्नुभयो ।  यसैगरी संस्था अध्यक्ष गोमा देवी न्यौपानेले उद्यमी महिलाहरुको उत्साह तथा हौसलालाई ग्रामीण नारी उत्थान संघले सधै प्राविधिक सहयोग गर्ने बताउनुभयो ।

सहभागी  उद्यमिहरुलाई उपाध्यक्ष चालिसेले,सरसफाईमा मदत पुग्ने र केही पैसा आम्दानी गर्न सकिने भन्दै तालिममा सिकेको कुरा आफू लगायत समाजमा सहयोग पुग्ने भएकोले आगामी दिनमा नमुना कार्य गर्न तालिमले हौसला प्रदान गर्ने बताउनुभयो । साथै शिप विकास सम्वन्धि ३ दिने तालिममा उपस्थितसबैलाई शुभकामना प्रदान गर्दै कार्यक्रम सम्पन्न भएको एस एन भि नेपालको जिल्ला संयोजक  अम्बिका यादवले जानकारी दिनुभयो ।