सर्लाही क्याम्पस इकाई कमिटीले होली मनाए

राजिव साह- 

सर्लाही , चैत १३

अखिल नेपाल राष्ट्रीय स्वतन्त्र बिद्यार्थी युनियन द्वारा

हिन्दुहरुको महान चाडपर्व होली फागु पुर्णिामा विशेष शुभकामना आदानप्रदान कार्यक्रम गरेको छ ।

शुक्रबार बिहान सर्लाही क्याम्पस कमिटी उपाध्यक्ष धर्मेन्द्र यादवको अध्यक्षता तथा अनेरास्ववियु जिल्ला कमिटी अध्यक्ष समिम बाबु खानको प्रमुख आतिथ्यतामा कार्यक्रममा  सरोज चौधरी ,सुबाश यादब,अरबिन्द यादब लगयतको सहभागीता रहेको थियो । 

सर्लाही क्याम्पसमा गरिएको कार्यक्रममा विद्यार्थी शिक्षकले एक आपसमा शुभकामनाका आदानप्रदान गर्नुको साथै  बिद्यार्थीहरुले  एक आपसमा रङ अबिर डलेर कार्यक्रम सम्पन्न गरेको अखिल नेपाल राष्ट्रीय स्वतन्त्र बिद्यार्थी युनियन अनेरास्ववियु केन्द्रिय सदस्य एवं कार्यक्रमका विशिष्ट अतिथि अमित चौधरीले जानकारी गराएका  दिएका छन्  । 

सर्लाहीका विभिन्न विद्यालय र क्याम्पसका विद्यार्थीहरुले आज एक आपसमा अबिर दलेर  होली मनाएका छन् ।

भोलीदेखि विद्यालय तथा क्याम्पसहरु बन्द हुने भएकाले जिल्लाका  विद्यार्थीहरुले भने शुक्रबार  स्कुल कलेजमा होली मनाएका हुन् । 

यो वर्ष चैत १५ गते पहाडी भेगमा र त्यसको भोलीपल्ट तराई क्षेत्रमा होली मनाइँदै छ । सर्लाहीमा भने दुवै दिन यो पर्व मनाउने गरिन्छ ।